Magpapatupad ang Philippine National Police ng nationwide rapid alert system upang mapabilis ang reporting at pagtugon sa emergencies sa mga paaralan.
Ayon kay PNP Chief, General Jose Melencio Nartatez Jr., pinag-aaralan na nila ang pagbuo ng BUILD Partnership. Early Detection. Swift Alert. Tactical Response o BEST School Alert and Rapid Response System.
Sa pamamagitan ng technology-based platform, mapapabilis ang pagre-report ng mga insidente, pagbibigay ng mga impormasyon at koordinasyon para sa pagtugon sa emergencies.
Binigyang-diin ni Nartatez na mahalagang aspeto ng security at law enforcement ang teknolohiya at ang kanilang mga tauhan ay dapat na mayroon nang access sa modern facilities at training innovations upang mapalakas ang security systems.
