Inanunsyo ng Board of Peace ni US President Donald Trump ang recovery plan sa Gaza na nagkakahalaga ng 2.45 billion dollars sa meeting sa sidelines ng United Nations General Assembly.
Ipamamahagi ang funding sa 66 programmes sa loob ng anim na buwan, na nakadirekta sa housing, diesel generation at waste removal, at sa iba pang mga pangangailangan.
Inamin ng Board na kailangan pa ng malalaking donasyon, dahil batay sa kanilang estimates ay kailangan ng 71.4 billion dollars para sa full recovery at reconstruction para sa susunod na dekada.
Inihayag ni Jared Kushner, executive board member at manugang ni Trump, na nahaharap ang proyekto sa “different delays on different things, for whatever reason.”
Kasama ni Kushner sa New York si US envoy Steve Witkoff na nagsabi naman na nakagawa ng “real progress” ang grupo sa nakalipas na taon.
