Nakatakdang ipagdiwang ng Premier Volleyball League (PVL) at Spikers’ Turf ang isang dekada ng Philippine volleyball, sa pamamagitan ng pagsasanib-pwersa para sa kanilang 10th anniversary milestone.
Bawat liga ay magbubukas ng bagong season sa October 10 sa SM Seaside Cebu Arena, kung saan alok ng PVL ang All-Filipino Conference habang Invitational Conference naman ang sa Spikers’ Turf.
Ang kakaiba sa taon na ito ay ang unified schedule ng PVL at Spikers’ Turf, para bigyang-daan ang pagpo-promote ng kani-kanilang tournaments nang magkasabay.
Isasagawa ng dalawang liga ang kani-kanilang tournaments sa ilalim ng one match-day, kung saan ang Spikers’ Turf ay mayroong isang laro sa pagitan ng dalawang PVL matches kada araw.
