Nailipat na si Leyte Rep. at dating House Speaker Martin Romualdez sa Quezon City Male Dormitory sa Payatas.
Ayon sa Bureau of Jail Management and Penology (BJMP), 10:49 kagabi nang dumating sa pasilidad ang kongresista mula sa Philippine General Hospital (PGH) sa Maynila.
Sinabi ng BJMP na dahil sa medical needs at medical recommendations na ipinrisinta sa korte, isinailalim si Romualdez sa jail infirmary, kasama ang iba pang Persons Deprived of Liberty (PDL) na nangangailangan ng medical monitoring.
Kahapon ay ipinag-utos ng Sandiganbayan Third Division ang paglipat kay Romualdez sa Quezon City Jail Male Dormitory matapos sabihin ng mga doktor na hindi na kailangang manatili sa ospital ang kongresista.
Ang dating speaker ay nahaharap sa 7.2 billion-peso plunder case kaugnay sa umano’y maanomalyang flood control projects.
Itinakda ng anti-graft court ang arraignment ni Romualdez, bukas, Sep. 16, alas-otso y medya ng umaga.
