Nagpakawala ang Chinese forces ng multiple flares sa isang unarmed Philippine Coast Guard (PCG) aircraft na nagsasagawa ng routine Maritime Domain Awareness (MDA) flight sa Kalayaan Island Group sa West Philippine Sea (WPS).
Sinabi ni PCG Spokesperson for the WPS, Rear Admiral Jay Tarriela na nakatanggap ang Philippine aircraft ng radio challenge mula sa Chinese forces na iligal na umu-okupa sa Zamora o Subi Reef bago lumapag sa Pag-asa Island.
Aniya, nakapagtala ang PCG ng multiple flare discharges ng People’s Liberation Army laban sa unarmed PCG aircraft habang nasa gitna ng lehitimong MDA flight noong Sep. 7.
Idinagdag ni Tarriela na mayroon ding mga Chinese maritime militia vessels na namataan sa loob ng lagoons sa Subi at Mischief Reefs.
