Kabuuang labing-anim na Chinese vessels ang namonitor ng Armed Forces of the Philippines (AFP) sa ilang features sa West Philippine Sea (WPS) sa nakalipas na linggo.
Sa update, iniulat ni AFP Spokesperson for the WPS Rear Admiral Roy Vincent Trinidad na namataan ang People’s Liberation Army Navy (PLAN) at China Coast Guard (CCG) vessels sa WPS features simula Aug. 18 hanggang 24.
Ayon kay Trinidad, labing-isang barko ng Tsina ang naispatan sa Ayungin Shoal, apat sa Bajo de Masinloc at isa sa Pag-asa Islands.
Mas mababa ito kumpara sa 23 Chinese vessels na namonitor sa WPS simula Aug. 11 hanggang 17.
