Dahil sa nagpapatuloy na sama ng panahon dulot ng Southwest Monsoon o habagat, work-from-home (WFH) ang mga kawani ng Kamara de Representantes.
Sa advisory ni House Secretary General Atty. Cheloy Velicaria-Garafil, kanselado rin ang sesyon ngayong hapon, August 10, 2026, at muling magpapatuloy bukas, August 11.
Maging ang face-to-face press conference nina Deputy Speaker Janette Garin at House Trial Spokesman Atty. Benjamin Tolosa, Jr. ay ginawang via Zoom.
Kinansela rin ang joint hearing ng Committee on Education and Culture at Committee on Local Government.
Samantala, itinuloy naman ni House Ways and Means Chairman Miro Quimbo ang public hearing sa ilang tax measures.
Gayun pa man, sa mga kongresista na hindi kayang makadalo physically sa hearing, pinayagan sila ni Chairman Quimbo na makilahok via Zoom.
Maging ang Committee on Appropriations ay nagkansela rin ng public hearing ngayong Lunes, August 10.
