May bago nang pinuno ang Philippine Military Academy (PMA) sa katauhan ni Lt. Gen. Michael Logico, kapalit ni Vice Admiral Cesar Bernard Valencia.
Pinangunahan ni AFP Chief of Staff Gen. Antonio Nafarrete ang change of command ceremony sa PMA sa Fort General Gregorio del Pilar sa Baguio City.
Si Logico ay miyembro ng PMA Maalab Class of 1993 at magsisilbing ika-86 na PMA Superintendent.
Una na rin siyang nagsilbi bilang commander ng Philippine Army Training and Doctrine Command.
Hinawakan din ni Logico ang ilang mahahalagang posisyon sa pamumuno na kinabibilangan ng military training, doctrine development, joint exercises, at special operations.
Samantala, binigyang-diin ni Nafarrete ang mahalagang papel ng PMA sa paghubog ng mga susunod na lider ng militar.
