Nagpapatuloy ang psychosocial intervention ng Department of Social Welfare and Development (DSWD) sa mga nakaranas ng trauma kasunod ng shooting incident sa San Jose National High School sa Tacloban City.
Sa panayam ng ME Radio TV, sinabi ni DSWD spokesperson, Assistant Secretary Irene Dumlao, na pinaprayoridad nila sa intervention ang pamilya ng mga nasawi at nasugatan.
Ipinaliwanag naman ni Dumlao na hindi matitiyak kung gaano katagal aabutin ang psychosocial intervention dahil magkakaiba ang coping mechanisms ng mga nakakaranas ng trauma.
