Lumobo ng 3.5% o sa 3.02 billion dollars ang perang ipinadala sa bansa ng overseas Filipinos noong Enero mula sa 2.92 billion dollars na naitala sa kaparehong buwan noong 2025.
Sa preliminary data na inilabas ng Bangko Sentral ng Pilipinas (BSP), na nagsilbing top source ng cash remittances ang United States sa naturang buwan.
Kabilang din sa iba pang top source ang Singapore, Saudi Arabia, Japan, United Kingdom, at United Arab Emirates.
Tumaas din ang personal remittances, pati na ang remittances in kind, ng 3.5% o sa 3.36 billion dollars noong Enero mula sa 3.24 billion dollars noong January 2025. | via Lea Soriano-Rivera
