Sa isang bibihirang pagkakataon, nagsama-sama ang tatlo sa good governance champions ng kaya natin! movement for good governance and ethical leadership, sa isang event sa Malacañang.
Sa Facebook post, ibinahagi ng “Kaya natin!” ang larawan nina Senator Bam Aquino, Naga City Mayor Leni Robredo, at Quezon City Mayor Joy Belmonte habang nilalagdaan ang Memorandum of Agreement (MOA) sa pagitan ng Department of Education (DepEd) at Local Chief Executives para sa nationwide classroom building program.
Sa kasalukuyan ay nagsisilbing Chairperson ng “Kaya natin!” si Belmonte habang si Aquino ay board member at si Robredo ay Chairperson Emeritus.
Kinatawan nina Robredo at Belmonte ang kani-kanilang lokal na pamahalaan sa moa signing habang si Aquino ay dumalo bilang pinuno ng Senate Committee on basic education.
Matagumpay na inorganisa nina Aquino at Belmonte, kasama ang “Kaya natin!” at mayors for good governance ang People Power 40 kick-off concert sa Quezon Memorial Circle, na dinaluhan ng mahigit 20,000 katao, na karamihan ay kabataan.
