Inisyuhan na ng subpoena ng Department of Justice sina Senador Jinggoy Estrada, dating Senador Ramon Bong Revilla Jr. at dating DPWH Secretary Manuel Bonoan kaugnay sa plunder charges dahil sa flood control anomalies.
Ayon kay DOJ Spokesperson Polo Martinez, kailangang humarap ang tatlo sa preliminary investigation sa February 2 at February 12.
Bukod sa plunder, nahaharap din sila sa mga kasong paglabag sa anti-graft and corrupt practices act at direct bribery.
Respondents din sa mga kaso sina dating DPWH Undersecretaries Roberto Bernardo at ang yumaong si Catalina gayundin sina dating DPWH Regional Director Gerard Opulencia at dating District Engineer Henry Alcantara.
Una nang itinanggi nina Estrada, Revilla at Bonoan ang mga alegasyon laban sa kanila.
