Inanunsyo ng Department of Budget and Management (DBM) na ni-release na nila ng buo ang 1.19-trillion peso National Tax Allotment (NTA) ng Local Government Units para sa Fiscal year 2026.
Sinabi ng DBM na inaprubahan ni Acting Budget Secretary Rolando Toledo ang issuance ng special allotment release order at corresponding notices ng cash allocation, kahapon.
Saklaw nito ang full-year NTA requirements ng mga lgu sa buong bansa, sa ilalim ng 2026 General Appropriations Act.
Inihayag ng Budget Department na ang release ay alinsunod sa direktiba ni Pangulong Ferdinand Marcos Jr. na tiyakin na ang public funds ay mako-convert sa timely at tangible services para sa taumbayan.
