Nirerespeto ni House Speaker Martin Romualdez ang karapatan ng bawat miyembro ng Kamara na ilabas ang kanilang saloobin.
Ito ang pahayag ni dating Surigao del Norte Rep. Robert Ace Barbers na ipinakilalang tagapagsalita ng Speaker.
Ayon kay Barbers, walang kinalaman si Romualdez sa internal party matters o political realignments sa Kamara. Aniya, usapin ng mga partido ang ganitong isyu at sila ang dapat magresolba.
Binigyang-diin pa nito na nang tumayong caretaker ang Speaker matapos pumanaw si dating Rep. Elpidio “Pidi” Barzaga, purely administrative lamang ang papel nito.
Hindi umano pinakialaman ni Romualdez ang proyekto o pondo ng distrito.
Tiniyak din ni Barbers na bukas ang Speaker sa anumang dayalogo kay Rep. Kiko Barzaga.
