Kanselado na ang ilang domestic at international flights ngayong umaga dahil sa patuloy na pag-ulan na dulot ng southwest monsoon o habagat.
Ayon sa Civil Aviation Authority of the Philippines (CAAP), kabilang sa mga kanseladong flight ay ang mga sumusunod:
Cebu Pacific:
5J 744: Manila to Hanoi
5J 745: Hanoi to Manila
5J 747: Hanoi to Manila
5J 901: Manila to Caticlan
5J 902: Caticlan to Manila
Philippine Airlines:
PR 593: Manila to Hanoi
PR 594: Hanoi to Manila
Samantala, na-divert naman sa Clark International Airport ang flight CEB193 mula Cauayan to Manila.
Na-divert din sa Iloilo Airport ang flight ng AirAsia na APG608 mula Bacolod to Manila.
Isang private flight mula Mactan patungong Manila ang napilitang bumalik sa Mactan Airport dahil sa masamang lagay ng panahon.
Umabot sa 2,160 na pasahero ang apektado ng mga kanselasyon at diversion ng mga flight.
Muling pinapayuhan ng CAAP ang mga pasahero na direktang makiugnay sa kanilang airlines bago magtungo sa paliparan.
