Inaasahang papalo muli, kagaya kahapon, sa 50°C ang heat index o damang init sa National Agrometeorological Station-UPLB, Los Baños, Laguna, ngayong Miyerkules, batay sa pagtaya ng Pagasa.
Sa bulletin ng state weather bureau, isa ang NAS-UPLB sa 18 lugar na maaring makaranas ng danger level na damang init.
Posible namang maranasan ang 47°C na heat index sa San Ildefonso sa Bulacan.
Samantala, 44°C ang maaaring maramdaman sa Hacienda Luisita sa Tarlac City; Sangley Point sa Cavite City; at Ambulong, Tanauan, Batangas.
43°C naman sa ISU Echague, Isabela; Baler, Aurora; at Catarman, Northern Samar.
Tinaya naman na aabot sa 42°C ang heat index sa NAIA, Pasay City; Tuguegarao City, Cagayan; Iba, Zambales; Clark Airport, Pampanga; Coron, Palawan; San Jose Occidental, Mindoro; CBSUA-Pili, Camarines Sur; Roxas City, Capiz; Iloilo City; at Dumangas, Iloilo.
