Nakabalik na sa bansa ang walong (8) Filipino seafarers na lulan ng container ship na MV Solong na bumangga sa isang oil tanker sa England noong March 10.
Ayon sa Department of Migrant Workers, pagkakalooban ang Pinoy seafarers ng financial assistance mula sa Overseas Workers Welfare Administration (OWWA) at DMW.
Samantala, hindi pa rin natatagpuan ang isang Pilipinong tripulante.
Nakipag-ugnayan na ang DMW sa pamilya ng nawawalang Pinoy para magbigay ng tulong at suporta.
