Hihilingin ni Sen. Imee Marcos kay Senate President Francis Escudero at kay Senate Committee on Finance Chairperson Grace Poe na gawing mas transparent ang bicameral conference committee meeting para sa panukalang 2025 national budget.
Sinabi ni Marcos na hindi na niya gugustuhing maulit ang nangyari sa pagbalangkas ng 2024 national budget kung saan maraming insertions ang nakalusot sa kanila.
Tinukoy ng mambabatas ang ₱12-B na naipasok sa budget ng Commission on Elections at ₱26-B na pondo para sa Ayuda sa Kapos ang Kita Program (AKAP) sa ilalim ng Department of Social Welfare and Development.
Hawak pareho ni Marcos ang panukalang pondo ng Comelec at DSWD kaya’t hindi niya matanggap na napalusutan siya ng mga insertions
Hindi rin naman tutol ang senadora sa mungkahi na i-livestream ang bicam meeting para sa budget.
Tutal rin naman aniya ay naka livestream na rin ang plenary deliberations para sa panukalang budget. —ulat mula kay Dang Garcia, DZME News
