Isa nang ganap na batas ang Academic Recovery and Accessible Learning (ARAL) Act na magtatatag ng learning recovery program para sa mga mag-aaral.
Sa seremonya sa Malacañang ngayong Biyernes, nilagdaan ni Pangulong Ferdinand “Bongbong” Marcos Jr. ang Republic Act no. 12028, na isang priority legislation ng Legislative-Executive Development Advisory Council.
Sa ilalim nito, itatatag ang libreng National Learning Intervention Program para sa catch up o para makahabol ang mga mag-aaral sa standards ng mga kaukulang grade levels.
Pangungunahan ito ng mga guro, para-teachers, pre-service teachers, at mga kumukuha ng teacher degree program mula sa teacher education institutions.
Partikular nitong tututukan ang Reading at Mathematics para sa Grades 1 to 10, Science sa Grades 3-10, at Pagbabasa at Pagbibilang para sa Kindergarten.
Isasagawa rin ang Tutorial sessions sa tatlong flexible delivery modes, ang face-to-face, online, at blended learning approach. —ulat mula kay Harley Valbuena, DZME News
