Itinalaga ni Pang. Ferdinand “Bongbong” Marcos Jr. ang veteran banker na si Walter Wassmer bilang member ng Monetary Board ng Bangko Sentral ng Pilipinas.
Si Wassmer ay may malawak na karanasan sa banking industry, kabilang ang pagiging Consultant at Non-Executive Director, at Senior EVP at Institutional Banking Group head ng BDO Unibank mula 1997 hanggang 2022.
Naging Senior Vice President din siya ng Far East Bank and Trust Co. mula 1986 hanggang 1997, Assistant Vice President ng Union Bank mula 1983 hanggang 1986, at Corporate Account Officer ng Bancom Finance Corp. mula 1980 hanggang 1982.
Samantala, itinalaga rin si Joseph Rudolph Co bilang Acting President at Chief Executive Officer ng Food Terminal Inc., Marcus Antonius Andaya bilang Acting Administrator ng National Dairy Authority, at aktres na si Almira Muhlach bilang member ng Movie and Television Review and Classification Board.
