“Isabuhay ang sakripisyo, pasasalamat at kababaang-loob.” -ito ang mensahe ni Vice President Sara Duterte bilang pakikisa at pagbati sa pagdiriwang Eid al-Adha o Feast of Sacrifice ngayong araw.
Nanawagan si VP Sara na ipalaganap ang diwa ng pagdiriwang lalo na sa mga nangangailangan ng kabutihang-loob, kawang-gawa at malasakit.
Humiling naman ang Pangalawang Pangulo na ipagdasal ang bansa upang maging matatag, mapayapa at ligtas sa lahat ng trahedya.
