Nasawi ang dalawampu’t tatlo katao dahil sa malawakang flashfloods at landslide, bunsod ng malakas na pag-ulan sa Papua New Guinea.
Ayon kay National Disaster Center Acting Director Lusete Man, kabilang sa namatay ang mag-ina nang hagupitin ng masamang panahon ang ilang komunidad sa Simbu province.
Kaugnay nito, namahagi na ang pamahalaan sa Papua New Guinea ng $2,645 para sa relief assistance.
Nagbahagi rin ng tulong o mga pagkain si Wapenamanda Community Leader Aquila Kunzie sa mga nasalanta ng naturang kalamidad.
