Sa gitna ng matinding init, at siksikan, ilang benepisyaryo ang nahilo at hinimatay habang nakapila sa bigayan ng ayuda sa Abra.
Pahirapan ang pagkontrol sa libo-libong benepisyaryo na dumagsa sa Abra Sports Complex, sa Bangued, para kumubra ng ayuda, sa kabila ng pitundaang pulis, sundalo at marshals ang ipinakalat sa lugar.
Ayon kay Jhing Bernal, Administrator ng Philippine Red Cross sa naturang lalawigan, ilan umano sa mga benepisyaryo ay hindi kumain ng almusal kaya nahilo.
Nakadagdag din aniya sa init ang pagsisiksikan, kaya mayroong mga nahimatay, at nagkaroon din ng bahagyang tulakan nang hindi masunod ang pila.
