Idineklara ang State of Calamity sa Bayan ng Asuncion sa Davao del Norte makaraang mahigit 600 pamilya ang inilikas dahil sa baha.
Dulot ng mga pag-ulan na dala ng Shear line ang malawakang pagbaha sa Davao del Norte na nakaapekto sa mahigit 16,000 pamilya.
Kinailangan pang gumamit ng bangkang kawayan ng ilang residente para makatawid o makalikas mula sa lampas taong tubig baha.
May ilang pamilya rin na na-trap sa kanilang mga bahay at nangangamba dahil apektado na ang kanilang hanap-buhay.
Pahirapan din ang pagdaan sa kalsada ng mga ambulansyang magba-biyahe ng mga pasyente, kaya naman inilipat ang mga ito sa truck ng Philippine Army. —sa panulat ni Lea Soriano-Rivera
