Bigo ang Philippine National Women’s Football Team na maipagpatuloy ang kanilang magandang simula makaraang padapain ng powerhouse South Korea sa score na 5-1 sa group stage ng 19th Asian Games, kagabi, sa Wenzhou Sports Center Stadium.
Ang Filipinas na mayroong three points sa Group E mula sa kanilang isang panalo at isang talo, ay kailangang talunin ang Myanmar sa paghaharap nila sa Huwebes upang maka-abante sa knockout round.
Binuksan ng Filipinas ang kanilang kampanya sa 3-1 win laban sa Hong Kong noong Biyernes.
Ang mga mananalo sa bawat limang grupo, pati na ang tatlong best second-placed teams ay mag-a-advance sa knockout rounds ng Asiad na ginaganap sa Hangzhou, China.
