Nangako si Sen. JV Ejercito na titiyaking magpapatuloy ang infrastructure program sa bansa kahit na magpalit-palit na ang liderato sa pamahalaan.
Ito ay gitna ng pagsusulong ni Ejercito ng pagbuo ng malinaw na roadmap para sa continuity at sustainability ng mga infrastructure project ng gobyerno.
Isinusulong ni Ejercito ang pagbuo ng komprehensibong masterplan para sa infrastructure development upang makamit ang economic growth trajectory.
Ang masterplan ang magsisilbing blueprint sa iba’t ibang departamento ng gobyerno sa construction, upgrading, at improvement ng lahat ng infrastructure projects sa bansa.
Saklaw ng plano na bubuuin ng National Economic and Development Authority (NEDA) at tututukan ng Joint Congressional Oversight Committee, ang maraming areas of development tulad ng transportation at logistics, energy, water resources, information at communications technology, social infrastructure, agri-fisheries modernization and food logistics, asset preservation at maintenance strategies. -sa panulat ni Dang Garcia, DZME News
