Nag-alay ng bulaklak si Pangulong Ferdinand “Bongbong” Marcos Jr. sa bantayog ng kanyang amang si dating Pangulong Ferdinand Marcos Sr., sa Batac, Ilocos Norte.
Ito ay kasabay ng ika-106 na kaarawan ng yumaong dating pangulo ngayong Lunes, Setyembre a-11.
Bukod sa Pangulo, dumalo rin sa seremonya sina First Lady Liza Araneta-marcos, Ilocos Norte Rep. Sandro Marcos, Joseph Simon Marcos, Ilocos Norte Gov. Matthew Marcos-manotoc, at Ilocos Norte Vice Gov. Cecilia Araneta-Marcos nandoroon din sina AFP Chief-of-Staff Gen. Romeo Brawner Jr., PNP Chief Police Gen. Benjamin Acorda, at iba pang opisyal.
Samantala, nakiisa rin ang Pangulo at ang first family sa “Natnateng Cook-Off Showdown”, kung saan kanilang tinikman ang iba’t ibang pagkain at putahe mula sa iba’t ibang munisipalidad at siyudad sa Ilocos Norte. –sa ulat ni Harley Valbuena, DZME News
