Muli na namang bumida ang mga Pinoy sa naganap na CONTENTASIA Awards 2023 sa the Athenee Bangkok Grand Hall, sa Bangkok, Thailand.
Pinarangalan kasi bilang Best Asian Feature Film/Telemovie ang Star Cinema Film na “An Invonvenient Love” na pinagbidahan nina Donny Pangilinan at Belle Mariano.
Natalo nito ang mga pelikulang: “Lebai Sampan and “Sekolah Sampah” ng Malayia; at “Silent Walls – 2023 Telemovie” & “Silent Walls – 1938 Telemovie” ng Singapore.
Kabilang din sa mga nakakuha ng award ang second season ng “Everybody Sing” ng host na si Vice Ganda bilang Best Asian Original Game Show.
“The Atom Araullo Specials: Mata sa Dilim” na nasungkit ang Best Current Affairs Programme made in Asia for Regional Asia and/or International Markets.
Maswerte namang nakapasok bilang Nominee ang drama series na Dirty Linen para sa Best Asian Drama for a Single Market in Asia at ang “Flower of Evil” nina Lovi Poe at Piolo Pascual sa Best TV Format Adaptation (Scripted) in Asia. –sa panulat ni Jam Tarrayo
