Kinumpirma na Civil Aeronautics Board (CAB) na mananatili sa Level 4 ang ipinapataw na fuel surcharge sa mga Airline Company ngayong buwan ng Hulyo.
Dahil dito, maglalaro sa P117 hanggang P342 ang madaragdag sa pamasahe ng mga pasahero para sa Domestic Flight.
Habang maglalaro naman mula P385.70 hanggang P2,867.82 ang madaragdag sa pamasahe para sa International Flights depende sa destinasyon.
Magugunitang pumalo sa Level 6 ang Fuel Surcharge na ipinapataw noong Abril habang Level 7 naman noong Marso ng taong kasalukuyan.
Paliwanag ng CAB, mas mataas ang lebel ng ipinapataw na surcharge ay mas mataas din ang ipinapataw na pamasahe dahil ito ay nakadepende sa paggalaw ng presyuhan ng Jet Fuel
Agosto ng nakalipas na taon nang maitala ang Level 12 na ipinapataw na fuel surcharge na nagresulta sa pagmahal ng pamasahe sa eroplano. —ulat mula kay Tony Gildo, DZME News
