Inaprubahan na ng Food and Drug Administration (FDA) ang Certificate of Product Registration (CPR) ng Pfizer bivalent COVID-19 vaccine.
Ayon kay FDA Director General Samuel Zacate, aprubado na ang CPR ng Tozinameran + Famtozinameran (15 mcg/15 mcg) / 0.3 ml dispersion for injection na may brand name na Comirnaty original / Omicron B.A. 4-5.
Itinuturing itong significant milestone ng ahensya lalo na at nahaharap pa rin sa global health crisis ang Pilipinas.
Aniya, ito ay alinsunod sa commitment ng FDA sa inisyatibo ng Marcos administration na mag-pokus na lamang sa crisis management ng COVID-19 upang mas mapalakas ang ekonomiya ng bansa.
Samantala, tinukoy ni Zacate ang binuong Taskforce Edward ng FDA na may layong paigtingin ang availability at accessibility ng COVID-19 vaccines sa publiko. —sa panulat ni Jam Tarrayo
