Nailigtas ang anim katao mula sa lumubog na motorbanca sa Panguturan Island, Sulu nitong weekend.
Ayon sa Naval Forces Western Mindanao (NFWM), ang bankang M/B Lorena ay mula sa munisipalidad ng Mapun at papunta sanang Zamboanga City nang makaengkwentro nito ang malalakas na alon.
Saktong nakita ng panama-flagged bulk carrier ang M/V Navios Lumen at tinulungan ang lulan nitong pasahero at tripulante.
Agad namang dinala sa Bongao Disaster Office ang mga na-rescue kung saan, nakatanggap sila ng counseling, health check, at iba pang tulong bago sila nakabalik sa kani-kanilang tahanan.
Ikinatuwa naman ni NFWM Commander Rear Admiral Donn Anthony Miraflor na ligtas at nasa mabuting kalagayan ang mga pasahero ng M/B Lorena.
