Namemeligrong ipaaresto na ng House Tri-Committee sa Biyernes ang 11 social media personalities at vloggers kung iisnabin pa rin ng mga ito ang hearing ukol sa fake news.
Ang labing isang personalidad na inisyuhan na ng subpoena ay sina dating communication secretary Trixie Cruz-Angeles, Aeron Peña, Allan Troy “Sass” Rogando Sasot, Elizabeth Joie Cruz, Dr. Ethel Pineda Garcia, Jeffrey Almendras Celiz, Krizette Laureta Chu, Lorraine Marie Tablang Badoy-Partosa, Mark Anthony Lopez, Mary Jean Quiambao Reyes, at Richard Tesoro Mata.
Inanyayahan din ng Tri-Comm sina Jay Sonza, Vivian Velez, Enzo Recto, at George Ahmed Paglinawan.
Ayon kay Tri-Comm lead Chairman Dan Fernandez ng Laguna, ang pag-isnab ng mga inaanyayahang personalidad ay lantarang paghamon sa institusyon at sa kapangyarihan nito.
Ang Tri-Comm ay binubuo ng Committees on Public Order and Safety, Public Information, at Information and Communications Technology.
