Ngayon pa lamang kuha na ang threshold na 106 votes para umusad sa Senado ang impeachment ni VP Sara Duterte.
Sa initial impeachment tally ni Tingog Party-list Rep. Jude Acidre, secretary general ng Party-list Coalition Foundation, Inc. (PCFI), may minimum 137 votes na ito ngayon.
Sa kanilang hanay sa PCFI, may 47 members na umano ang sumusuporta sa impeachment, idagdag pa ang boto mula sa NUP at Lakas-CMD.
One hundred six (106) lamang o one-third ng all members ang kailangan para ma-transmit sa Senado ang Articles of Impeachment.
Una nang sinabi ni NUP Chairman at Deputy Speaker Ronaldo Puno at Lakas-CMD stalwart Rep. Zia Alonto Adiong na sa kanilang bilang, hindi bababa sa 180 ang boto pabor sa impeachment.
Samantala, sa consultation ngayong hapon, ibinalita ni Bicol Saro Rep. Terry Ridon na ang general number na sumusuporta sa impeachment ay umakyat na sa 215.
