Binisita ni United States Defense Secretary Lloyd Austin ang mga sundalo sa Zamboanga City, ayon sa Armed Forces of the Philippines (AFP) Western Mindanao Command.
Sinabi ni Commander, Lieutenant General Roy Galido na nagtungo si Austin sa Westmincom Headquarters sa Camp Don Basilio Navarro, alas onse y medya ng umaga kahapon at nanatili ito ng tatlumpung minuto.
Aniya, ang pagtungo ng US Defense Secretary ay upang tulungan sila sa kanilang misyon, lalo na sa Counter-Terrorism, Humanitarian Assistance, at Disaster Response.
Inihayag din ni Galido na binisita ni Austin ang Joint Special Operations Team at nakipagpulong kay AFP Chief of Staff General Andres Centino.
