Arestado sa isinagawang buy-bust operation ng mga tauhan ng Drug Enforcement unit ang mga suspek na sina Christian Santos y Chaneco alyas “Ponce”, 28-anyos, isang Construction worker at Anthony Buan Y Eleazar, 38-anyos, tricycle driver kapwa residente ng Brgy, San Vicente San Miguel Bulacan.
Base sa paunang imbestigasyon ng mga awtoridad ganap na alas-3:10 ng madaling araw ng madakip ang mga suspek sa Brgy. Lapnit sa bayan ng San Ildefonso Bulacan.
Nakumpiska mula sa dalawa ang 4 na maliliit na plastic sachet na naglalaman ng hinihinalang shabu na nagkakahalaga ng ₱7,480 at isang cal. 38 na baril na may 3 bala at buy bust money.
Habang inimpound din ng mga pulis ang tricycle na may plakang CZ-4143 na umano’y gamit ng dalawa sa iligal na transaksyon.
Samantala detenido ngayon ang mga suspek sa San Ildefonso Municipal Jail sa kasong paglabag sa RA. 9165, at RA 10591 in relation to Omnibus Election Code. —ulat mula kay Thony Arcenal, DZME News
