UMARANGKADA na ang 27th day ng impeachment trial laban kay Vice President Sara Duterte na kasalukuyan nang nakatutok sa isyu ng unexplained wealth.
Sa pagsisimula ng pagdinig, kinumpirma ni Rep. Terry Ridon ng Prosecution panel na hindi na nila isasalang sa witnes stand si Civil Service Assistant Commissioner Ariel Ronquillo.
Sinabi ni Ridon na sapat na para sa kanila ang mga naging pahayag ni dating Sandiganbayan Presiding Justice Amparo Cabotaje-Tang.
Kasabay nito, hiniling ni Ridon sa impeachment court na iexcuse muna sa pagdinig si PhilGEPS Division Chief Rendell Sopeña dahil inihahanda pa ang lahat ng kailangang dokumento na gagamitin sa trial.
Si Sopeña ay magpapakita ng mga procurement records kung saan may kontrata ang isa sa mga kumpanyang idineklara ni VP Sara at ilang government agencies.
Nakasalang naman na ngayon sa witness stand si Gerardo del Rosario, director ng Securities and Exchange Commission Company Registration and Monitoring Department.
Inaasahang io-authenticate niya ang corporate records ng mga kumpanya na kabilang sa mga idineklara sa statement of assets, liabilities and networth ni VP Sara na mayroon siyang business interest.
