Kinumpirma na ni Senate Majority Leader Joel Villanueva ang pagpapalit ng liderato sa Senado ngayong hapon.
Sa ibinahaging agenda ni Villanueva para sa sesyon ngayon, nakasaad ang change of leadership o pagpapalit kay Senate President Juan Miguel Zubiri.
Kasama rin sa mensahe ni Villanueva ang pagpapasalamat sa oportunidad ng kanyang paglilingkod kasabay ng katagang signing off as Majority Leader.
Sa impormasyon, magbibitiw Zubiri sa pwesto at idideklara itong bakante saka naman papalitan sya ni Senador Francis Chiz Escudero.
Sa impormasyon, nasa 15 senador na ang nagpahayag ng suporta kay Escudero.
Kabilang sa sinasabing sumusuporta kay Escudero ang kanyang dating runningmate na si Senador Grace Poe, mag-inang sina Senador Cynthia at Mark Villar at ang magkapatid na sina Senators Alan at Pia Cayetano.
Sinasabing pabor din sa pagapapalit ng liderato sa Mataas na Kapulungan sina Senador Sherwin Gatchalian, Francis Tolentino at Jinggoy Estrada.
