Pinangunahan nina Special Assistant to the President Antonio Lagdameo Jr. at Dep’t of Social Welfare and Development Sec. Rex Gatchalian ang situation briefing sa Cotabato City, kaugnay ng matinding pag-ulan at pagbaha sa Bangsamoro Autonomous Region in Muslim Mindanao bunga ng Southwest monsoon o hanging habagat.
Ito ay kasabay din ng paghahatid ng tulong sa mga apektado ng kalamidad.
Bukod sa family food packs at non-food items, binigyan din ng tigsa- ₱10,000 ayuda ang halos 300 pamilya na totally damaged o tuluyang nasira ang mga bahay.
Tig- ₱5,000 naman ang iniabot sa mahigit 130 households na partially damaged ang tahanan.
Samantala, binigyan din ng tig- ₱10,000 burial assistance ang apat na pamilya.
Kabilang sa mga nahatiran na ng tulong ang Matanog, Maguindanao Del Norte at Balabagan Lanao Del Sur.
