Magsasagawa ng ocular inspection ang Sandiganbayan Third Division sa sinasabing ghost flood control project sa Pandi, Bulacan.
May kaugnayan ito sa pagtalakay sa malversation case na kinasasangkutan ni dating senador Ramon “Bong” Revilla Jr. at ilang dating opisyal ng Department of Public Works and Highways sa Bulacan.
Ang inspeksyon ay pangungunahan ni Associate Justice Karl Miranda.
Sa ngayon ay nagpapatuloy ang bail hearings sa kaso ni Revilla kung saan dedesisyunan kung maaari siyang payagang magpiyansa.
Target ng Sandiganbayan Third Division na resolbahin ang bail petitions sa loob ng 30 araw ngayong buwan ng Abril.
