Pangungunahan ni Filipino Olympic gold medalist Carlos Yulo at ng kanyang nakababatang kapatid na si Karl Eldrew, ang Philippine gymnastics squad sa 2026 Asian Games sa Japan.
Ang magkapatid na Yulo ay bahagi ng Men’s Artistic Gymnastics Team, kasama sina Juancho Miguel Besana, Justine Ace De Leon, at Zachary Cortins Nuñez.
Ang Olympian na si Levi Ruivivar naman ang mangunguna sa Women’s Artistic Gymnastics Team, kasama sina Kylee Kvamme, Chiara Dawn Andrew, Lauren Supnet, at Haylee Garcia.
Hindi pa nananalo ang Pilipinas ng gymnastics medal sa Asian Games.
Gaganapin ang 20th Asian Games Aichi-Nagoya 2026 sa Sept. 19 hanggang Oct. 4.
