Nagbabala ang Land Transportation Franchising and Regulatory Board o LTFRB sa planong pagtigil-pasada.
Ayon sa ahensya, ang mahabang suspensyon ng operasyon ay maituturing na paglabag sa franchise regulations.
Ipinaliwanag ng LTFRB na kapag 60 percent ng operasyon ng transportasyon ay tinigil sa loob ng ilang araw, maaaring maituring na itong abandonment.
Sa unang paglabag, mahaharap sa multang limang libong piso ang operator, habang suspensyon ng prangkisa sa ikalawang paglabag at tuluyang pagbawi sa prangkisa sa ikatlong paglabag.
