Kanselado muli ang impeachment hearing laban kay Vice President Sara Duterte ngayong araw na ito bunsod ng sama ng panahon.
Ang Notice of Cancellation ay inilabas ni Impeachment Clerk of Court Atty. Renato Bantug batay sa kautusan ni Impeachment Court Presiding Officer Francis Chiz Escudero.
Binigyan ng kopya ng notice ang panel of prosecutors at ang defense team ni VP Sara.
Ito ang ikalawang sunod na araw na nakansela ang pagdinig sa impeachment case.
Nakatakda sanang ipagpatuloy ang direct examination ng prosecution sa testigong si Gina Acosta, ang dating special disbursing officer sa Office of the Vice President.
