Hiniling ni dating Executive Secretary Atty. Vic Rodriguez sa Supreme Court na ideklarang null and void ang Sept. 23 ruling ng Senate Impeachment Court sa voting threshold para sa conviction ni Vice President Sara Duterte.
Humirit din si Rodriguez ng Temporary Restraining Order (TRO) sa ruling, na nagbaba sa base ng two-thirds vote na kailangan para ma-convict si VP Sara.
Iginiit ng dating Executive Secretary na itinakda ng Konstitusyon ang voting threshold sa two-thirds ng lahat ng miyembro ng Senado, na dapat ay 16 kung ibibilang ang lahat ng 24 senators.
Apat na senador ang hindi nakakadalo sa impeachment proceedings, gaya nina Jinggoy Estrada at Rodante Marcoleta na kapwa nahaharap sa kasong plunder at naka-detain sa Quezon City Jail.
Gayundin si Sen. Loren Legarda na naka-medical leave at nasa France, at iniimbestigahan din ng Ombudsman sa mga kasong plunder at graft.
At si Sen. Ronald “Bato” dela Rosa na nagtatago matapos isyuhan ng International Criminal Court ng arrest warrant bilang co-perpetrator ni former President Rodrigo Duterte sa kasong crimes against humanity.
