“Pag may tiyaga, may nilaga.”
Iyan ang magandang manifestation sa karanasan ni TRABAHO Partylist nominee Ninai Chavez sa kaniyang pagdalo sa National Women’s Month celebration sa Makati City Hall noong Marso 23, 2025.
Ibinahagi ni Chavez na ikinatuwa niya na nagbubunga na ang kanilang “house-to-house campaign” sa mga residente ng Makati sa kanilang mga bahay at mga tindahan.
Noong nagsimula ang kampanya ay tulung-tulong umano ang mga nominee at miyembro ng TRABAHO sa pag-iikot sa Metro Manila pati na rin sa mga malalayong probinsya. Ginawa nilang prayoridad na bumaba mismo sa mga komunidad- personal na magpakilala sa publiko at ibahagi ang kanilang plataporma para sa mga manggagawa.
Sa kaniyang talumpati, binigyang-diin din rin ni Chavez na “ang kababaihan ang mga tunay na hero ng bahay.”
Kinilala niya ang tiyaga at tapang ng mga babae na tuluy-tuloy lamang lumalaban sa mga hamon ng buhay.
Ayon sa kanilang adbokasiya, isinusulong ng TRABAHO Partylist, bilang 106 sa balota, ang mga inklusibong polisiya na susuporta sa mga manggagawang kabilang sa mga marginalized sector, kabilang ang kababaihan, mga senior citizen, mga taong may kapansanan, at LGBTQIA+ community.
