Mananatiling naka-confine si Leyte Rep. Martin Romualdez sa Cardinal Santos Medical Center hanggang sa magkaroon ng karagdagang kautusan mula sa anti-graft court, ayon kay Sandiganbayan Third Division Clerk of Court Atty. Dennis Pulma.
Paliwanag ni Pulma, hindi pa tapos ang korte sa deliberasyon nito sa motion ni Romualdez na humihirit ng confinement sa Cardinal Santos Medical Center bunsod ng iba’t ibang sakit.
Muli namang inihayag ng Clerk of Court na nasa ilalim na ng kustodiya ng Bureau of Jail Management and Penology (BJMP) ang dating House Speaker na nahaharap sa 7.4-billion peso plunder charges dahil sa flood control scandal.
Kahapon ay nag-isyu ang Third Division ng anti-graft court ng commitment order para ikulong si Romualdez sa New Quezon City Jail sa Payatas, na nasa ilalim ng hurisdiksyon ng BJMP.
Ipagpapatuloy ngayong Biyernes ng Sandiganbayan ang hearing sa mosyon ng kongresista para sa kanyang hiling na hospital detention.
