![]()
Tumanggap ang Philippine football infrastructure ng panibagong suporta mula sa sport’s governing body matapos mag-alok ang FIFA ng tulong para sa “new look” ng Rizal Memorial Stadium.
Personal na bumisita si FIFA President Gianni Infantino sa bansa para lumagda sa Memorandum of Agreement, kasama ang Philippine Sports Commission (PSC) at Philippine Football Federation (PFF) para sa complete renovation ng Rizal Memorial Stadium.
Kahapon ay nilagdaan nina Infantino, PSC Chairman Patrick Gregorio at PFF President John Anthony Gutierrez ang landmark agreement sa PSC House sa Maynila.
Present din sa MOA signing ceremony sina Executive Secretary Ralph Recto at FIFA Council Member at ASEAN Football Federation Vice President Mariano “Nonong” Araneta.
Saklaw ng deal na nagkakahalaga ng $25 million ang redevelopment ng iconic stadium at construction ng tatlong regional football training centers sa Luzon, Bacolod City, at Cagayan de Oro.
