Bumuo na ang Department of Energy ng joint task force para bumalangkas ng technical, regulatory, at legislative framework upang maipatupad ang direktiba ni Pangulong Ferdinand Marcos Jr. na alisin na ang system loss charge at VAT nito sa electricity bill.
Ayon sa DOE, kasama sa joint task force ang Energy Regulatory Commission, National Electrification Administration, at electric cooperatives.
Magsisilbi itong coordinating body para sa comprehensive review ng mga ipinanukalang reporma sa energy sector.
Pangunahing layunin ng joint task force na tiyakin ang technical collaboration at inclusive stakeholder participation kapag nabuo na ang legislative at regulatory measures.
