Ipagpapatuloy ng OPM legendary band na Eraserheads ang kanilang World Tour.
Sa Instagram reel ng frontman ng banda na si Ely Buendia, magtutungo ang Eraserheads sa San Francisco at Los Angeles sa California; Honolulu, Hawaii; Toronto, Canada, at Dubai sa United Arab Emirates.
Gayunman, hindi pa ina-announce ang eksaktong petsa, venues, at ticketing details para sa concerts.
2022 nang magtanghal muli ang banda na binubuo nina Ely, Raymund Marasigan, Buddy Zabala, at Marcus Adoro, sa kanilang reunion one-night-only show na “Huling El Bimbo.”
Kasunod ng matagumpay na reunion concert sa Pilipinas ay nag-tour ang E-Heads sa US at Canada noong 2023.
