Itinuturing pa rin ng Commission on Elections na generally peaceful ang Bangsamoro Autonomous Region in Muslim Mindanao o BARMM ilang araw bago ang first parliamentary elections.
Sa kabila ito ng isang election-related incident na naitala sa rehiyon.
Ayon kay Comelec Chairperson George Erwin Garcia, tuloy-tuloy pa rin ang kanilang paghahanda para sa halalan sa September 14.
Sinabi ni Garcia na makikipag-ugnayan din sila sa Department of the Interior and Local Government, Armed Forces of the Philippines, Philippine National Police at iba pang security officials upang i-assess ang peace and order situation sa rehiyon.
Nagpakalat na rin ng karagdagang security personnel sa lugar matapos ang pananambang sa convoy ni BARMM Interim Chief Minister Abdulraof ‘Sammy Gambar’ Macacua sa Barangay Dulangan, Datu Odin Sinsuat sa Maguindanao del Norte noong August 15.
