Maglalaan ang Asian Development Bank (ADB) ng hanggang 6 billion dollars hanggang sa 2030 para suportahan ang fisheries, coastal infrastructure at iba pang blue-economy investments sa Southeast Asia.
Inanunsyo ni ADB President Masato Kanda ang Association of Southeast Asian Nations Blue Economy Initiative sa 58th ASEAN Economic Ministers’ Meeting.
Sinabi ni Kanda na ang karagatan ay hindi lamang environmental priority, kundi economic foundation ng Southeast Asia.
Gayunman, hindi pa isinisiwalat ng multi-lateral lender kung paano hahatiin ang 6 billion dollars sa mga miyembro ng ASEAN.
Samantala, iminungkahi rin ng ADB ang 150,000 dollars na technical assistance para sa Pilipinas para palakasin ang nutrition and climate resilience sa food systems ng bansa.
